ជនជាតិដើមភាគតិចផ្ទុះកំហឹងប្តឹងលោកស្រីទ្រីដាណាផាក១០លានរៀលនឹងទាបង់ជម្ងឺចិត្ត២០ម៉ឺនដុល្លា

(មណ្ឌលគិរី) លោកស្រីទី ដាណា អ្នកលក់អនឡាញដ៏ល្បីឈ្មោះ ដែលនិយាយក្នុងឡាយកំពុងពិសារបាយឡាយលក់ ផលិតផល ហើយមានពាក្យសម្តី អសុរោះ ខឹងអតីតៈប្តីសោះ បែជាមកប្រម៉ាថមាក់ងាយជនជាតិដើមភាគតិចទៅវិញ។ ពាក្យសម្តីលោកស្រីទ្រីដាណា និយាយក្នុងឡាញហូបបាយបណ្តើរលក់ ផលិតផលបណ្ដើរ មាក់ងាយអតីតៈប្តី បានធ្វើឲ្យជនជាតិដើមភាគតិចផ្ទុះកំហឹងយ៉ាងខ្លាំងទៅនិងលោកស្រី។

តំណាងជនជាតិដើមភាគតិច ក្នុងសេចក្តីថ្លែងការកាលពីរសៀលថ្ងៃទី៦មករា២០២២ក្នុងពិធីសន្និសិតការសែត បានផ្ទុះកំហឹងយ៉ាងខ្លាំងទៅនិងសម្តីប្រម៉ាថមាក់ងាយនិងសម្តីលោកស្រីទ្រីដាណា អ្នកលក់អនឡាញថាពេលខឹងអតីតៈប្តីបែជាប្រម៉ាថមាក់ងាយជនជាតិទៅវិញ (អានេះចេញមកចង្កូមបាតផ្សារ ឈ្លើយបែបព្នងចុងស្រុកហ្មងហ្អា៎!) ពាក្យនេះដែលលោកស្រីជេប្តីរបស់ខ្លួនកាលពីថ្ងៃទី២២ធ្នូ២០២១ក្នុងពេលIiveតាមបណ្តាញសង្គមFacebook

លោកគ្រើង តុលា តំណាងជនជាតិដើមភាគតិចព្នង

(ពូនង) កាលពីរសៀលថ្ងៃទី៦មករា២០២២ក្នុងពិធីសន្និសិតការសែតបានថ្លែងថាយើងជាជនជាតិដើមភាគតិច រស់នៅក្នុងព្រះរាជាណាចក្រកម្ពុជា  អស់កាលយូលង់មកហើយ មានវប្បធម៌ប្រពៃណី ដូច្នេះការប្រម៉ាថមាក់ងាយនេះបង្កឲ្យមានវប្បធម៌នៃការរើសអើង និងប្រកាន់ពូជអំបូរខ្មែរ ដែលផ្ទុយនិងរដ្ឋធម្មនុញ្ញ នៃព្រះរាជាណាចក្រកម្ពុជានិងសេចក្តីប្រកាស របស់អង្គការសហប្រជាជាតិ ស្ដីពីសិទ្ធិជនជាតិដើមភាគតិច និងគោលនយោបាយ ស្ដីពីការអភិវឌ្ឍ ជនជាតិដើមភាគតិច របស់រាជរដ្ឋាភិបាលកម្ពុជា។

ជាងនេះទៅទៀត ការប្រមាថនេះក៏បានធ្វើឲ្យប៉ះពាល់ដល់បុព្វបុរស និងឥស្សរជន ជាជនជាតិដើមភាគតិចព្នង ដែលកន្លងមក និងជានិច្ចកាល បានធ្វើពលីកម្ម ក្នុងបុព្វហេតុ ការពារទឹកដី និងចូលរួម កសាងអភិវឌ្ឍន៍ជាតិមាតុភូមិ កម្ពុជា។ក្នុងនោះតំណាងជនជាតិដើមភាគតិចបានបញ្ជាក់ថាការដែលលោកប្តឹងទាផាក១០លានរៀលមានច្បាប់ចែងក្នុងមាត្រា៣០៧ នៃក្រមព្រហ្មទណ្ឌ។

ចំណែកប្រាក់២០ម៉ឺនដុល្លាគឺជាការទាជម្ងឺចិត្ត និងម៉្យាងប្រមានដល់អ្នកក្រោយៗកុំឲ្យប្រម៉ាថពូជសាសយើងខ្ញុំទៀត។ថែមពីនោះទៀត លោក គ្រើង តុលា នឹងតំណាងជនជាតិដើមភាគតិចជាច្រើន បានបន្តថាក្នុងរឿងនេះបើគ្មានដំណោះស្រាយក្នុងពេលឆាប់ៗនេះទេ ជនជាតិដើមភាគតិចរបស់លោក និងដើរធ្វើ ព្យុះហយាត្រា ប្រឆាំង ទៅនិងលោកស្រីទ្រីដាណា បញ្ឈប់នៃការលក់ផលិតផលតែម្តង ព្រោះគ្រាកន្លងមក ផលិតផលទាំងនោះ ក៏ជនជាតិដើមភាគតិច ជាអ្នកទិញប្រើប្រាស់ច្រើនផងដែរ៕