ថៅកែទិញដំឡូងមីម្នាក់រអ៊ូថា គេផ្សេងចាំទិញដំឡូនាំចេញតាមច្រកទ្វាឡាប៉ាខេបាន ឯគាត់សុំច្បាប់ទិញនាំចេញតាមច្រកនេះដែរពីខែហើយមិនអនុញ្ញាត្តិអោយ

(មណ្ឌលគិរី)ថៅកែវៀតណាមទិញដំឡូងមីម្នាក់ដែលគាត់ធ្លាប់ប្រាស្រ័យទាក់ទងនិងប្រជាពលរដ្ឋខ្មែរ ជាអ្នកដាំដំឡូងនិងអ្នកទិញដំឡូងដឹកទៅលក់ឲ្យគាត់តាមច្រកទ្វារទ្វេភាគីឡាប៉ាខេ បានថ្ងូរប្រាប់អង្គភាពព័ត៌មានរាល់ថ្ងៃ(KDN)ថា”គាត់អាណិតពលរដ្ឋខ្មែរដែលដាំដំឡូងមីណាស់ ដាំបានហើយលក់មិនសូវមានតម្លៃ ទើបគាត់ខំសុំច្បាប់ឲ្យមានម៉ូយគាត់ទិញដំឡូងនៅស្រុកកែវសីមា ដឹកចេញតាមច្រកទ្វារទ្វេភាគីឡាប៉ាខេ ទៅប្រទេសវៀតណាមលក់ឲ្យគាត់។

តែផ្ទុយទៅវិញអ្វីដែលគាត់ខំនោះគឺអស់រយៈពេលពីខែមកហើយមុនរដូវប្រម៉ូលផលដំឡូងមីមកដល់ នៅតែសុំច្បាប់ឲ្យឈ្មួញម៉ូយៗគាត់នៅកម្ពុជាទិញដំឡូងនាំចេញតាមច្រកទ្វារឡាប៉ាខេមិនបានយកទៅលក់ឲ្យគាត់ទៀត។
ថៅកែទិញដំឡូងមីនៅប្រទេសវៀតណាមដដែលបានបន្តថា”គាត់បានពឹងអ្នកមានឥទ្ធិពលម្នាក់មានបុណ្យសក្តិធំគួសមដែរ រត់់ការសុំច្បាប់ឲ្យម៉ូយគាត់នាំដំឡូងចេញទៅលក់ឲ្យគាត់តាមច្រកទ្វារនេះ បន្ទាប់មកអស់រយៈពេលពីខែហើយទើបគាត់ទទួលបានដំណឹងថា”គេយល់ព្រមអស់ហើយ តែតម្រូវឲ្យបង់ក្បាលឡានថ្លៃក្នុង១គ្រឿង១៥.០០០០៛(ដប់ប្រាំម៉ឺនរៀល)
តម្លៃនេះធ្វើឲ្យគាត់ទទួលយកមិនបាន ព្រោះបង់ក្បាលឡានថ្លៃពេក មិនអាចមានប្រាក់ចំណេញ។ ថៅកែដដែលបានបន្តទៀតថា”ពេលគាត់ពឹងអ្នករត់ការឲ្យសុំសម្រួលច្បាប់បន្ត បន្ទាប់គាត់ទទួលបានដំណឹងថ្មីមួយទៀតថា”គេព្រមឲ្យឈ្មួញទិញដំឡូងដឹកយកទៅលក់ឲ្យគាត់ហើយតាមច្រកនិងហើយ តែតម្រូវឲ្យបង់ក្បាលឡាន់១គ្រឿងចុះមកនៅត្រឹម១១.៧០០០៛(ដប់មួយម៉ឺនប្រាំពីពាន់រៀល) តម្លៃគាត់ថាយល់ព្រមទៅចុះ ថ្លៃប៉ុណ្ណឹងក៏ថ្លៃចោះ
តែអ្វីដែលសំខាន់នោះមកដល់ថ្ងៃទី២៧វិច្ឆិកា២០២១នេះជាងពីខែហើយគាត់នៅតែពុំទាន់ បានទទួលទិញដំឡូងបានពីឈ្មួញកម្ពុជាដែលនាំចេញតាមច្រកទ្វេរភាគីឡាប៉ាខេនេះនៅឡើយទេ ដោយមិនទាន់អនុញាត្តិឲ្យម៉ូយរបស់គាត់ដឹកដំឡូងចេញតាមច្រកនេះដដែល។

ពាក់ព័ន្ធនិងករណីនេះថៅកែទិញដំឡូងបានប្រាប់អង្គភាពព័ត៌មានរាល់ថ្ងៃ(KDN)ថា៖ច្រកទ្វារអន្តរជាតិត្រពាំងស្រែ(វ៉ាឡឺ)គេស្រួលណាស់ ក្នុងឡាន១គ្រឿងដឹកដំឡូងមីចេញ គេយកក្បាលឡាន១គ្រឿងតែ៨០០០០៛(ប្រាំបីម៉ឺនរៀលទេ)ហេតុអ្វីច្រកទ្វារឡាប៉ាខេយកក្បាលឡានថ្លៃជាងគេហើយ ធ្វើឲ្យគាត់ពិបាកចាំទិញទៀត? ។

ដោយឡែក.
មានមន្ត្រីមានសមត្ថកិច្ចដែលសុំមិនបញ្ចេញឈ្មោះ បានធ្វើការស្នើសុំដល់ ឯកឧត្តម ថង សាវុន អភិបាលនៃគណៈអភិបាលខេត្តមណ្ឌលគិរី ដែលទើបនិងឡើងមកកាន់តំណែងជាអភិបាលខេត្តថ្មី សូមឯកឧត្តមមេតា ពិនិត្យមើលមន្ត្រីនៅប្រចាំច្រកទ្វារឡាប៉ាខេនេះផង ព្រោះមានមន្ត្រីខ្លះមានការតែងតាំងតាមខ្សែ ធ្វើឲ្យផ្ទុយនឹង អនុក្រឹត្យលេខ៦៤ស្តីពីតួនាទីភារៈកិច្ចមន្ត្រីច្រកទ្វារ៕

សូមបញ្ជាក់ថា៖រាល់ការចេញផ្សាយរបស់អង្គភាពយើងខ្ញុំផ្សាយក្នុងនៃរិៈគន់និងស្ថាបនា បើឯកឧត្តម អស់លោក លោកឧកញ៉ា លោក លោកស្រីយល់ថា ការផ្សាយនេះធ្វើឲ្យប៉ះពាល់ដល់សេចក្តីថ្លៃថ្នូរ សូមប្តឹងតាមរបបសារព័ត៌មាន មកការរិយាល័យកណ្តាល យើងខ្ញុំរង់ចាំទទួលរាល់ម៉ោងធ្វើការ
យើងខ្ញុំធ្វើការផ្សាយជូន រាល់ការបកស្រាយរបស់ឯកឧត្តមអស់លោក លោកស្រីយល់ថាត្រឹមត្រូវ៕(សូមអរគុណ)