(កណ្ដាល)៖ ដីវត្តអរិយក្សត្រ.ត្រង់ចំណុចមុខវត្ត ជាប់មាត់អូរ កន្លែងស្នាក់ការPM ដែលមានទំហំ ប្រមាណជិតកន្លះហិកតាត្រូវព្រះចៅអធិការវត្តលក់ឲ្យឈ្មួញក្នុងតម្លៃ១៥ម៉ឺនដូល្លា ក្រោមហេតុផលយកលុយក៏សាងសាលាឆាន់និងរបងវត្ត!។
ដីនេះស្ថិតនៅភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្ដាល។
ដោយបច្ចុប្បន្ន៖ ឈ្មួញបានគ្រប់គ្រងនិងបូមខ្សាច់ដាក់យ៉ាងពេញបន្ទុក ហើយបានក្លាយជាកម្មសិទ្ធឯកជនដាច់មុខទៅហើយ។
នេះបើយោងតាមឃ្លីបដែលក្រុមការរបស់អង្គភាពKDNជួបសម្ភាសជាមួយព្រះគ្រូចៅអធិការ
(វត្តអរិយក្សត្រ)ព្រះនាម រិន បូរី កាលពីល្ងាចថ្ងៃទី៣១.០៥.២០២១ក្នុងនោះព្រះគ្រូចៅអធិការ វត្តអរិយក្សត្រព្រះនាម រិន បូរី បានមានសង្ឃដីការទទួលស្គាល់ថា៖ ដីគរុភណ្ឌ របស់វត្តនៅខាងមុខវត្ត កន្លែងស្នាក់ការPM គឺពិតជាបានលក់ផ្ដាច់ ឱ្យទៅឈ្មួញប្រាកដមែន ក្នុងតម្លៃសរុប ១៥ម៉ឺនដុល្លារ ហើយការលក់នោះ គឺយកលុយមកកសាងហេដ្ឋារចនាសម្ព័ន្ធ ក្នុងវត្ត ដូចជាសាលាឆាន់ របងវត្តជាដើម។ល
ព្រះអង្គបន្ថែមថា៖ ការលក់ដីគរុភណ្ឌវត្តបែបនេះ គឺបានប្រជុំប្រាប់ពុទ្ធបរិស័ទ ចំណុះជើងវត្ត រួចរាល់អស់ហើយមុនធ្វើការលក់ដូរ។
ព្រះអង្គបញ្ជាក់ថា៖ ដីនោះលក់ជាង១ឆ្នាំហើយ ដោយមានស៊ីញេ ដឹងឮចុះហត្ថលេខា ពីអាជ្ញាធរ មូលដ្ឋានទៀតផង!។
បើទោះបីជាព្រះគ្រូចៅអធិការវត្តអរិយក្សត្រព្រះនាម រិន បូរី មានសង្ឃដីការថា៖ មុនលក់ដីវត្ត គឺបានប្រជុំផ្សព្វផ្សាយអស់ហើយក្ដីនឹងមានអាជ្ញាធរដឹងឮក៏ដោយចុះ។
ក៏ប៉ុន្តែជាក់ស្ដែង៖ ពលរដ្ឋដែលមានផ្ទះក្បែររបងវត្តអរិយក្សត្រ បានអះអាងថា៖ ការលក់ដីគរុភណ្ឌរបស់វត្តនោះ គឺព្រះសង្ឃពុំបានផ្សព្វផ្សាយ ឱ្យពលរដ្ឋដឹងទេ។
ពោលគឺលក់ស្ងាត់ៗ ព្រោះព្រះសង្ឃប្រាប់តែគណៈកម្មការ តាជីយាយជី ប៉ុណ្ណោះ។
នៅព្រឹកថ្ងៃទី២មិថុនា២០២១នេះលោក ខ្លូត សុខអឿន មេភូមិអរិយក្សត្រ«បានប្រាប់អង្គភាពKDN»តាមទូរស័ព្ទថា”លោកមិនបានដឹងដូចការលើកឡើងរបស់ព្រះចៅអធិការវត្តថាមានអាធរដឹងឮនោះទេ។
ចំណែកលោក ឌុច ចាន់ មេឃុំអរិយក្សត្រ បានបដិសេធប្រាប់«អង្គភាពKDN»នៅព្រឹកថ្ងៃទី២មិថុនា២០២១នេះថា”លោកមិនបានចុះហត្ថលេខាផ្ទេរកម្មសិទ្ធ ដីវត្តអរិយក្សត្រនេះឲ្យលក់ទៅឈ្មួញដូចសង្ឃដីការរបស់ព្រះចៅអធិការវត្តនោះឡើយ។
ចំណែកចម្លើយរបស់លោក នួន នឿន ដែលជាអាចារ្យវត្ត និងជាមេភូមិទួលតាមាសផងនោះ បានប្រាប់អង្គភាពKDN នៅព្រឹកថ្ងៃទី២មិថុនា២០២១ខុសគ្នាបញ្ច្រាសទៅនិងសង្ឃដីការព្រះចៅអធិការវត្តថា”កាលណុះលោក ឈៀ បូនី និង ភឺន ផល្លា អ្នកទិញគេហ៊ានទទួលខុសត្រូវខ្លួនគេថា ឲ្យតែមានលិខិតផ្តិតមេដៃទៅគេទិញយកហើយ។
ជុំវិញករណីនេះពលរដ្ឋនៅ ឃុំអរិយក្សត្រ ស្រុកល្វាឯម បានរិៈគន់ជាខ្លាំងទៅលើអាជ្ញាធរមូលដ្ឋាន!។
ដែលមិនទប់ស្កាត់ បណ្ដែតបណ្ដោយ បើកភ្លើងខៀវឱ្យ ឈ្មួញទិញដី គរុភណ្ឌ របស់សង្ឃ យកធ្វើជាកម្មសិទ្ធផ្ទាល់ខ្លួន ។
ហើយបច្ចុប្បន្ន៖ដីវត្តអរីយក្សត្រ ឈ្មួញបានបូមខ្សាច់ដាក់និងគ្រប់គ្រងយ៉ាងពេញបន្ទុក ខណៈអាជ្ញាធរហាក់ស្រវាំងភ្នែក ងាប់ត្រចៀកស្លូក មើលមិនឃើញស្ដាប់មិនឮអ្វីទាំងអស់៕ KDN
