កម្លាំងសមត្ថកិច្ចចម្រុះ​ឃាត់ខ្លួនមនុស្ស១៧នាក់ករីណចូលកាប់ទន្ទ្រានដីរដ្ឋធ្វើកម្មសិទ្ធិ​ក្នុងស្រុកគូលែន

(ព្រះវិហារ)៖ នៅព្រឹកថ្ងៃទី៣០ ខែឧសភា ឆ្នាំ​២០២១កម្លាំងសមត្ថកិច្ចចម្រុះឃាត់ខ្លួនមនុស្ស១៧នាក់

ជាពលរដ្ឋចំណាកស្រុកមកពីបណ្តាខេត្តផ្សេងនានាដែលជឿតាមការអូសទាញកៀងគរនិងបំផុសបំផុលពីមេខ្យល់ នាំគ្នាមកកាប់រុក្ខរានទន្ទ្រានដីរដ្ឋដើម្បីធ្វើជាកម្មសិទ្ធ ដែលផ្ទុយ​និងច្បាប់បានហាមឃាត់  ឋិតនៅចំនុចភូមិស្រយ៉ង់ត្បូង ឃុំស្រយ៉ង់ ស្រុកគូលែនខេត្តព្រះវិហារ។

ការឃាត់ខ្លួនពលរដ្ឋចំណាកស្រុកដែលកាប់រុក្ខរានដីរដ្ឋខាងលើដឹកនាំដោយលោក អ៊ុង វុទ្ធី អភិបាលរងខេត្តព្រះវិហារទទួលបន្ទុកដោះស្រាយដីធ្លី ព្រមទាំង មានការសម្របសម្រួលផ្ទាល់ដោយ លោក វុធ សាវី ព្រះរាជអាជ្ញារងខេត្តព្រះវិហារ។

លោក វុធ សាវី ព្រះរាជអាជ្ញារងខេត្តព្រះវិហារ​បានឲ្យដឹងថា ជាលទ្ធផលក្នុងកិច្ចប្រតិបត្តិការនោះឃាត់ខ្លួនក្រុមមនុស្សខាងលើនេះ ក្រោមការសម្របសម្រួលពីលោកផ្ទាល់ កម្លាំងសមត្ថកិច្ចបានឈានទៅដល់ការឃាត់ខ្លួនពលរដ្ឋបានចំនួន១៧នាក់ និងដកហូតវត្ថុតាំងបាន១ចំនួនក្នុងនោះរួមមាន ម៉ូតូចំនួន៣គ្រឿងគោយន្តកន្ត្រៃ​១គ្រឿង។ លោកបានបន្តរថា ពលរដ្ឋទាំងនេះ ភាគច្រើនជាអ្នកចំណាកស្រុកមកពីតាមបណ្តាខេត្តនានា ហើយពលរដ្ឋដែលចូលមកទន្ទ្រានដីព្រៃនេះ គឺតាមរយៈកាអូសទាញរបស់មេខ្យល់។

ក្នុងនោះផងដែរលោកបានបញ្ជាក់ថា” ដីដែលពួកគាត់មានគំរោងទន្ទ្រានកាន់កាប់នៅចំនុចខាងលើ មានទំហំ រហូតទៅដល់ 6378 ហិកតា ឯណោះ។

(សូមបញ្ជាក់​ថា) ក្រុមពលរដ្ឋខាងលើ នៅថ្ងៃដដែលនេះ ត្រូវបានលោក វុធ សាវី ព្រះរាជអាជ្ញា​រងខេត្ត​ព្រះវិហារ ឲ្យពួកគាត់ត្រឡប់ទៅលំនៅដ្ឋានវិញ បន្ទាប់ពីសមត្ថកិច្ចជំនាញ ធ្វើការណែនាំអបរំពួកគាត់រួច ពួកគាត់អរគុណហើយព្រមទទួលធ្វើកិច្ចសន្យាបញ្ឈប់រាល់សកម្មភាពរុក្ខរានដីព្រៃរបស់រដ្ឋធ្វើជាកម្មសិទ្ធិ ដែលច្បាប់បានហាមឃាត់ ព្រមទាំងសន្យាថា”ឈប់ជឿតាមការអូសទាញរបស់មេខ្យល់ ដែលចេះតែញុះញង់ កន្លងមក ។​

ដោយឡែកចំពោះមេខ្យល់ចំនួន ៣នាក់ក្នុងចំណោម ពលរដ្ឋទាំង១៧នាក់ ខាងលើលោកព្រះរាជអាជ្ញារងថា បច្ចុប្បន្នសមត្ថកិច្ចកំពុងបន្តរការ ស្រាវជ្រាវនឹង ប្រមូលយក      ភុស្ត​តាង ដើម្បីកសាងសំណុំរឿង បញ្ជូនទៅកាន់សាលាដំបូងខេត្តព្រះវិហារចាត់ការតាមនីតិវិធីបន្តរ ៕  ដោយ៖ ទ្រី សុផល​