ព័ត៌មានថ្មីៗ

សមត្ថកិច្ចឃាត់ខ្លួនជនជាតិចិន២២នាក់ដែលលួចមកស្នាក់នៅសណ្ឋាគារក្នុងខេត្តមណ្ឌលគិរីគ្មានលិខិតឆ្លងដែន

មណ្ឌលគិរីៈ សមត្ថកិច្ចជំនាញរបស់ស្នងការដ្ឋាននគរបាលខេត្តមណ្ឌលគិរីបានលួចឆ្មកចូលឆែកឆេសណ្ឋាគារមួយកន្លែងឃាត់ខ្លួនជនជាតិចិនបាន២២នាក់ដែលសង្ស័យថាលួចមកស្នាក់នៅដោយខុសច្បាប់។

ការចុះឆែកឆេររបស់សមត្ថកិច្ចជំនាញធ្វើឡើងកាលពីវេលាម៉ោង ០៨៖៣០នាទីព្រឹក ថ្ងៃទី០៨ ខែសីហា ២០២០។

នេះបើយោងតាមរបាយការណ៍របស់មន្រ្តីនគរបាលខេត្តមណ្ឌលគិរី ដែលបណ្តាញព័ត៌មានរាល់ថ្ងៃទទួលបាន។

ការចុះឆែកឆេរនោះដោយ ផែននគរបាលរអន្តោប្រវេសន៍ សហការជាមួយ ផែនការងារសន្តិសុខ និងកម្លាំងអធិការដ្ឋាន នគរបាលក្រុងសែនមនោរម្យ ដឹកនាំកម្លាំងសមត្ថកិច្ចជំនាញដោយលោក អ៊ាង សុគន្ធ ព្រះរាជអាជ្ញារងអមសាលាដំបូងខេត្តមណ្ឌលគិរី កបានរកឃើញជនជាតិចិន២២នាក់លួចមកស្នាក់នៅខុសច្បាប់ក្នុងសណ្ឋាគារមណ្ឌលគិរីស្ថិតក្នុងភូមិចំបក់ សង្កាត់ស្ពានមានជ័យ ក្រុងសែនមនោរម្យ ដែលជនជាតិចិនជួល។

ក្នុងនោះកម្លាំងសមត្ថកិច្ចជំនាញរបស់ស្នងការដ្ឋាន នគរបាលយើងបានរកឃើញជនជាតិចិនចំនួន ២២នាក់ ក្នុងនោះមានលិខិតឆ្លងដែនចំនួន ០៣នាក់ និង គ្មានលិខិតឆ្លងដែនចំនួន ១៩នាក់។

សមត្ថកិច្ចបានធ្វេីការដកហូតវត្ថុតាងរួមមាន៖

* កុំព្យូទ័រ ចំនួន ៣៤គ្រឿង

* Laptop ចំនួន ០៦គ្រឿង

* USB Flash Drive ចំនួន ០៩គ្រឿង

* ស៉ីមទូរស័ព្ទមិនទាន់ប្រើ (មិត្តហ្វូន ១២០) (សែលខាត ០៨) (មិនមានឡូហ្កូ ៤៤)

* ក្តារចុចកុំព្យូទ័រ ចំនួន ២៣គ្រឿង

* រ៉ូឡូភ្លើង ចំនួន ១៥គ្រឿង

* ដុំ Wifi ចំនួន ០៧គ្រឿង

* ឆ្នាំងសាកទូរស័ព្ទ មួយចំនួនធំ

* ទូរស័ព្ទដៃ ចំនួន ១៣៥គ្រឿង (ថ្មីមិនទាន់ប្រើ ០៨គ្រឿង កំពុងប្រើ ១២៧គ្រឿង)

* ប្រាក់ ៤៤៥ដុល្លារអាមេរិក។

ពាក់ព័ន្ធទៅនិងជនជាតិចិនលួចមកស្នាក់នៅខុសច្បាប់គ្មានលិខិតឆ្លងដែននេះ នៅព្រឹកថ្ងៃទី៩សីហា២០២០អង្គភាពព័ត៌រាល់ថ្ងៃបានជួបសម្ភាសជាមួយលោកឧត្តមសេនីយ៍ត្រី ទៀង សៅរតន៍ ស្នងការរងទទួលផែនអន្តោរប្រវេសន៍ លោកបានបញ្ជាក់ប្រាប់ថា៖ជនជាតិចិនទាំង២២នាញ់នោះបច្ចុប្បន្នកំពុងស្ថិតនៅស្នងការដ្ឋាននគរបាលខេត្តមណ្ឌលគិរី បន្តនិតិវិធី និងធ្វើការឆែកឆេរត្រួតពិនិត្យទៅលើវត្ថុតាងដែលរឹបអូសបានពាក់ព័ន្ធកុំព្យូទ័រទូរស័ព្ទ ខាងជំនាញកំពុងត្រួតពិនិត្យថាតើមានអ្វីបទល្មើសនៅក្នុងសម្ភារៈទាំងនោះឬក៏អត់៕

adm

Leave a Reply

Your email address will not be published. Required fields are marked *