សមត្ថកិច្ចខេត្តស្វាយរៀង ឃាត់ខ្លួនជនសង្ស័យម្នាក់ជាមន្ដ្រីឥណទាន ករណីវាយសម្លាប់នារីគម្នាក់ នៅស្រុកស្វាយទាប..

(កណ្តាល)៖ ពិតជាហ៊ានមែនជនសង្ស័យពីរនាក់ បានចូលទៅកាច់ករម៉ូតូទាំងកណ្តាលថ្ងៃ  តែត្រូវសមត្ថកិច្ចឃាត់ខ្លួនចំនែកប្រុសស្នេហ៏មាសស្ងួនពីរនាក់បានគេចខ្លួន  ដែលហេតុការខាងលើបានកើតឡើងនៅវេលាម៉ោង ១២និង២០នាទីថ្ងៃទី១៦ខែធ្នូឆ្នាំ២០២៤ នៅចំណុចផ្លូវលេខ210 ស្ថិតក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល ។ 

ក្នុងនោះ លោកវរសេនីយ៏ឯក យី វណ្ណដា អធិការនគរបាលក្រុងតាខ្មៅបានប្រាប់អោយដឹងថា÷ ជនរងគ្រោះមាន ឈ្មោះ ជៅ សុខ ភេទប្រុស អាយុ២០ឆ្នាំ ទីលំនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរនិស្សិត។ ចំនែកជនសង្ស័យមានគ្នីគ្នាប្រុសស្រីចំនួន០៣នាក់៖ 

១-ឈ្មោះ គុយ សុលីកា ភេទស្រី អាយុ២៣ឆ្នាំ ( វិជ្ជមាននូវសារធាតុញៀន) ជាអ្នកចូលលួចម៉ូតូ ត្រូវបាន ឃាត់ខ្លួន , ២-ឈ្មោះ សីហា ភេទប្រុស អាយុ៣០ឆ្នាំ ជនជាតិខ្មែរ (គេចខ្លួន) ,៣-មិនស្គាល់ឈ្មោះ ភេទប្រុស អាយុប្រហែលអាយុ៣០ឆ្នាំ ជនជាតិខ្មែរ (គេចខ្លួន) ដែលជនសង្ស័យទាំង០៣គ្មានមុខរបរពឹតប្រាកដ និងស្នាក់នៅជាមួយគ្នាផ្ទះជួល ក្នុងភូមិថ្មី០១ សង្កាត់តាខ្មៅ ក្រុងតាខ្មៅ ខេត្តកណ្តាល ។ 

 

លោកអធិការបានអោយដឹងទៀតថា÷ មុនពេលកើតហេតុ ជនរងគ្រោះបានជិះម៉ូតូរបស់ខ្លួនចតទុកនៅខាងមុខហាងលក់កាម៉េរ៉ាសុវត្ថិភាព ទីតាំងកើតហេតុ ដោយភ្លេចដកកូនសោរម៉ូតូ។ លុះមកដល់វេលាកើតហេតុខាងលើ ក៏ស្រាប់តែមានជនសង្ស័យ០៣នាក់ប្រុស០២នាក់ស្រី០១នាក់ជិះម៉ូតូមួយគ្រឿងម៉ាកសង់ពណ៌ខ្មៅមកឈប់នៅខាងមុខហាង ហើយជនសង្ស័យម្នាក់ជាស្រីបានចុះទៅលួចម៉ូតូជនរងគ្រោះជិះចេញទៅ ពេលនោះជនរងគ្រោះបានចេញមកទាន់ហើយស្រែកថាចោរៗផ្អើលអស់ប្រជាពលរដ្ឋព្រមទាំងកម្លាំងនគរបាលក្រុងតាខ្មៅនិងប៉ុស្តិ៍តាខ្មៅ បានជិះដេញតាមរហូតដល់ស្តុបផ្លូវ110 ក៏ឃាត់ខ្លួនបានជនសង្ស័យម្នាក់ជាស្រី្ត ចំនែកជនសង្ស័យ០២នាក់ទៀតបានជិះរត់គេចខ្លួនបាត់ទៅ។

តាមការសាកសួរជនសង្ស័យបានឆ្លើយថា ÷ ខ្លួននិងបក្ខពួក២នាក់ទៀតពិតជាបាននាំគ្នាលួចម៉ូតូរបស់ជនរងគ្រោះខាងលើ ប្រាកដមែន។

បច្ចុប្បន្នជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលក្រុងតាខ្មៅ ដើម្បីកសាងសំណុំរឿងចាត់ការតាមនិតិវិធី៕