ស្រីស្អាតវ័យ១៧ឆ្នាំ ឆបោកពីជនរងគ្រោះមនុស្សចាស់ៗ ០៩នាក់ បានគ្រឿងអលង្កា ជិត០៤តំឡឹងមាស..

កំពង់ធំ៖ យ៉ាងហោចណាស់មនុស្សម្នាក់បានស្លាប់ភ្លាមៗ និងរងរបួស ២នាក់ នៅលើកំណាត់ផ្លូវជាតិ១០២ ស្ថិតក្នុងភូមិបល្ល័ង ស្រុកបារាយណ៍ ខេត្តកំពង់ធំ កាលពីរសៀលថ្ងៃទី៨ ខែតុលា ឆ្នា២០២៤។ ក្នុងករណីនេះស្ត្រីជាម្ដាយបានបាត់បង់ជីវិតភ្លាមៗនៅកន្លែងកើតហេតុ ចំណែកកូន២នាក់ទៀតរងរបួសធ្ងន់។ 

យោងតាមប្រភពពីសមត្ថកិច្ច បានឱ្យដឹងថា ជនបង្កមានឈ្មោះ ស៊ុយ ឡាច ជាមន្ត្រីរដ្ឋបាលព្រៃឈើបារាយណ៍ បានរត់គេចខ្លួនដោយសុវត្ថិភាព បើកបររថយន្តបាឡែនពណ៌ខ្មៅ ពាក់ស្លាកលេខ ភ្នំពេញ 2I-7098 បើកបរក្នុងល្បឿនលឿន។ 

សមត្ថកិច្ច បានឱ្យដឹងថា ភាគីម៉ូតូបើកបរដោយឈ្មោះ យ៉ោក វណ្ណនី អាយុ៣៧ឆ្នាំ រស់នៅភូមិបឹង ឃុំចើងដើង ស្រុកបារាយណ៍ ខេត្តកំពង់ធំ បើកពីលិចទៅកើត (ស្លាប់ភ្លាមៗនៅកន្លែងកើតហេតុ) ពាក់មួកសុវត្ថិភាព។ ចំណែកអ្នក រួមដំណើរជាកូនទាំង២នាក់ ឈ្មោះ គុណ ស៊ីណែត ភេទប្រុស អាយុ១៥ឆ្នាំ របួសស្រាល និង ឈ្មោះ គុណ ឧត្តម ភេទប្រុស  អាយុ៨ឆ្នាំ រងរបួសធ្ងន់ ។ 

សមត្ថកិច្ចបានបន្តថា មុនពេលកើតហេតុជនរងគ្រោះ បានឌុបកូន ដោយម៉ូតូមកពីលិចទៅកើត លុះមកដល់ចំណុចកើតហេតុ ក៏មានរថយន្តម៉ាក CAMRY បាឡែន បានបើកមកពីកើតទៅលិច ទំនងជាឡើងជែង ក៏បានជ្រុលទៅបុកម៉ូតូ ពេញទំហឹងតែម្តង៕