ម៉ូតូមួយគ្រឿងជិះឌុបគ្នាមានក្មេងចាស់ ៥នាក់ ត្រូវរថយន្តធុនធំបុកពីក្រោយស្លាប់ទាំងអស់នៅស្រុកស្នួល, សមត្ថកិច្ចកំពុងស្រាវជ្រាវស្វែងរកអត្ថសញ្ញាណជនបង្ក

 

កណ្តាល៖ ជនសង្ស័យម្នាក់មានប្រវត្តិធ្លាប់ពន្ធនាគាររយៈពេល០១ឆ្នាំពីបទ ប្រើប្រាស់គ្រឿងញៀន និងធ្វើខូចខាតដោយចេតនា  តែពេលបានចេញមកវិញមិនរាងចាល ដោយកាន់កណ្តៀវខ្វាង គម្រាមថានឹងសម្លាប់ ដេញកាប់កម្មករ០៤នាក់ដែលកំពង់ប្រមូលផលផ្លែស្វាយ  កាលពីវេលាម៉ោង ១៦ និង ១០ នាទី ថ្ងៃទី៣០ខែតុលាឆ្នាំ២០២៤ នៅចំណុចចំការស្វាយ ស្ថិតក្នុងភូមិ តាលន់ ឃុំតាលន់ ស្រុកស្អាង ខេត្តកណ្តាល ។ 

សមត្ថកិច្ចមូលដ្ធានបានប្រាប់អោយដឹងថា ÷ ជនរងគ្រោះមានចំនួន០៤នាក់ : 

១-ឈ្មោះ ទ្រឿង មុន្នីវណ្ណា ភេទប្រុស អាយុ ២៥ ឆ្នាំ ជនជាតិខ្មែរ មុខរបរ កសិករ

(ជាម្ចាស់ស្វាយ),២-ឈ្មោះ ហេង សុខខឿន ភេទប្រុស អាយុ ៤០ ឆ្នាំជនជាតិខ្មែរ ជាកម្មករ,  ៣-ឈ្មោះ សយ ស៊ុយសែ ភេទប្រុស អាយុ ១៩ ឆ្នាំ ជនជាតិខ្មែរ ជាកម្មករ,៤-ឈ្មោះ ហុិន តុលា ភេទប្រុស អាយុ ២៥ ឆ្នាំ ជនជាតិខ្មែរ ជាកម្មករ  ជនរងគ្រោះទាំង០៤នាក់ មានទីលំនៅភូមិ    ព្រែកប៉ាន ឃុំត្រើយស្លា ស្រុកស្អាង ខេត្តកណ្តាល។ ចំនែកជនសង្ស័យ 

មានឈ្មោះ ចន វាសនា ភេទប្រុស អាយុ ៣៣ ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិ តាលន់ ឃុំ តាលន់ ស្រុកស្អាង ខេត្តកណ្តាល (វិជ្ជមានសារធាតុញៀន)  និងធ្លាប់ជាប់ពន្ធនាគារខេត្តកណ្តាលរយ:ពេល០១ឆ្នាំពីបទធ្វេីឲ្យខូចខាតដោយចេតនា។ វត្ថុតាងចាប់យក -  កណ្តៀវខ្វាងចំនួន០១ ផ្លែដែកដងធ្វេីអំពីឫស្សីមានប្រវែង ៦២ ស.ម។

   

     សមត្ថកិច្ចមូលដ្ធានបានប្រាប់អោយដឹងទៀតថា÷  ជនសង្ស័យជាមនុស្សប្រេីប្រាស់គ្រឿងញៀនជាប្រចាំ។ នៅវេលា កើតហេតុខាងលើ  ជនរងគ្រោះទាំងបួននាក់បានទៅបាញ់ថ្នាំស្វាយនិងបេះផ្លែស្វាយដែលដែលខ្លួនជួលដេីមស្វាយគេធ្វេីយកផ្លែ  ស្រាប់តែពេលនោះជនសង្ស័យបានស្រែកឡូឡានិងបានកាន់កណ្តៀវខ្វាងជាប់និងដៃដោយនិយាយទៅកាន់ជនរងគ្រោះទាំងបួននាក់ថា ÷ ពួកអ្ហែង ! ធ្វេីស្វាយអាញបីឆ្នាំហេីយ មិនឲ្យលុយអាញ  រួចជនសង្ស័យបានកាន់កណ្តៀវខ្វាងដេញកាប់ជនរងគ្រោះទាំងបួននាក់  ដោយមានការភ័យខ្លាចជនរងគ្រោះក៏បានតេទូរស័ព្ទរាយករណ៍មកសមត្ថកិច្ចនគរបាលប៉ុស្តិ៍តាលន់ឲ្យជួយអន្តរាគមន៍ឃាត់ខ្លួនជនសង្ស័យយកមកប៉ុស្តិ៍ដេីម្បីធ្វេីការសាកសួរ។

នៅចំពោះមុខសមត្ថកិច្ចជនសង្ស័យបានសារភាពថា៖ ខ្លួនពិតជាបានយកកណ្តៀវខ្វាងគំរាមកំហែងដេញកាប់ថានឹងសម្លាប់ ជនរងគ្រោះទាំងបួននាក់ពិតប្រាកដមែន។

បច្ចុប្បន្នជនសង្ស័យត្រូវបានឃាត់ខ្លួនបញ្ជូនមកអធិការដ្ឋាននគរបាលស្រុកស្អាងដើម្បីចាត់ការតាមនិតិវិធី៕