កិច្ចប្រជុំទទួលសំណើរដេញថ្លៃក្លាយជាការដេញចរចាលុយទឹកតែជាថ្នូ ក្នុងការមិនឲ្យក្រុមហ៊ុនផ្សេងៗក្រៅពីក្រុមហ៊ុនកូនអុករបស់ខ្លួនដាក់សំណើដេញថ្លៃគម្រោងមូលនិធិឃុំមេម៉ង់ឆ្នាំ២០២៤នេះ..

ភ្នំពេញ៖ បុរសម្នាក់ជិះម៉ូតូលឿនខ្វះការប្រុងប្រយ័ត្នជ្រុលបុករថយន្តស៊េរីទំនើបបើកឆ្លងផ្លូវពេញទំហឹងបណ្ដាឲ្យរងរបួសធ្ងន់ត្រូវបានត្រូវបានម្ចាស់រថយន្តហៅកង់បីដឹកបញ្ជូនទៅជួយសង្គ្រោះនៅឯមន្ទីរពេទ្យ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលវេលាម៉ោង៣និង៣០នាទីរសៀលថ្ងៃទី២០ខែកញ្ញាឆ្នាំ២០២៤ ស្ថិតនៅតាមបណ្ដោយផ្លូវ៥០ម៉ែត្រកែងនឹងផ្លូវបេតុង ក្នុងភូមិប្រការសង្កាត់ព្រៃស ខណ្ឌដង្កោ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានឲ្យដឹងថាមុនពេលកើតហេតុគេបានឃើញរថយន្តស៊េរីទំនើបមួយគ្រឿងម៉ាក FORD TERRITORYពណ៌សពាក់ស្លាកលេខភ្នំពេញ2BT-8970បើកបរដោយបុរសម្នាក់ធ្វើដំណើរតាមបណ្ដោយផ្លូវបេតុង៥០ម៉ែត្រទិសដៅពីកើតមកលិចខណៈមកដល់ត្រង់ចំណុចកន្លែងកើតហេតុបានបត់ឆ្វេងឆ្លងផ្លូវស្របពេលក៏មានបុរសម្នាក់ជិះម៉ូតូមួយគ្រឿនម៉ាកឌ្រីមសង់ពណ៌ខ្មៅពាក់ស្លាកលេខកណ្ដាល1AF-0076ធ្វើដំណើរតែម្នាក់ឯងទិសដៅបញ្ច្រាសគ្នាក្នុងល្បឿនលឿនខ្វះការប្រុងប្រយ័ត្នចាប់ហ្វ្រាំងមិនទាន់ជ្រុលបុករថយន្តពេញទំហឹងបណ្ដាលអោយរងរបួសធ្ងន់ត្រូវបានម្ចាស់រថយន្តចិត្តធម៌ហៅកង់បីដឹកជូនទៅជួយសង្គ្រោះនៅមន្ទីរពេទ្យទាមភ្លាម ទុករថយន្តនិងម៉ូតូនៅកន្លែងកើតហេតុ។

ក្រោយកើតហេតុកម្លាំងសមត្ថកិច្ចមូលដ្ឋានប៉ុស្តិ៍នគរបាលរដ្ឋបាលព្រៃសបានចុះមកដល់កន្លែងកើតហេតុធ្វើការបាញ់ថ្នាំយករថយន្តនិងម៉ូតូដាក់អែបខាងបញ្ជៀសការកកស្ទះចរាចរណ៍ សហការជាមួយជំនាញចរាចរណ៍ខណ្ឌដង្កោធ្វើការវាស់វែកយកម៉ូតូនិងរថយន្តទៅរក្សាទុកនៅអធិការខណ្ឌដង្កោរង់ចាំធ្វើការដោះស្រាយគ្នានៅពេលក្រោយ៕