កិច្ចប្រជុំទទួលសំណើរដេញថ្លៃក្លាយជាការដេញចរចាលុយទឹកតែជាថ្នូ ក្នុងការមិនឲ្យក្រុមហ៊ុនផ្សេងៗក្រៅពីក្រុមហ៊ុនកូនអុករបស់ខ្លួនដាក់សំណើដេញថ្លៃគម្រោងមូលនិធិឃុំមេម៉ង់ឆ្នាំ២០២៤នេះ..

ជនជាតិចិន​ ២ក្រុម​ បម្រុងបើកឆាកប្រយុទ្ធគ្នាមានដុំថ្ម​ និងដំបង​ ត្រូវ​បានកម្លាំងនគរបាលឃាត់ខ្លួនបានជាង​ ១០នាក់​ នៅក្រុងប៉ោយប៉ែត..

បន្ទាយមានជ័យ៖ ជនជាតិចិន២ក្រុមបម្រុងបើកឆាកប្រយុទ្ធគ្នាមានដុំថ្ម​ និដំបង ត្រូវបានកម្លាំងនគរបាលឃាត់ខ្លួនបានជាង ១០នាក់ នៅល្ងាចថ្ងៃទី០៧ ខែសីហា ឆ្នាំ២០២៤ស្ថិតភូមិប៉ាលិលេយ្យពីរ សង្កាត់/ក្រុងប៉ោយប៉ែត។ 

កម្លាំងនគរបាលក្រុងប៉ោយប៉ែតបានប្រាប់ថា​នៅពេលឃាត់ខ្លួនជនជាតិចិនជាង​ ១០នាក់មានក្នុងនោះពួកគេមាន ដំបង​ ដុំថ្ម​ និងដំបងដែកដែលបម្រុងធ្វើសកម្មភាពវ៉ៃគ្នាហើយត្រូវបាន កម្លាំងនគរបាលប៉ុស្តិ៍រដ្ឋបាលសង្កាត់ប៉ោយប៉ែតបានរាយការណ៍ទៅអធិការដ្ឋាននគរបាលក្រុងប៉ោយប៉ែតចុះប្រតិបត្តិការបង្ក្រាបភ្លាមៗឃាត់ខ្លួនបានជាង​ ១០នាក់​ មានដំបងឈើ និងដំបងដែក ដុំថ្ម។ 

កម្លាំងនគរបាលបានបញ្ជាក់ទៀតថា​ ក្រោយឃាត់ខ្លួនជនជាតិចិនដែលបម្រុងធ្វើសកម្មភាពវ៉ៃគ្នាដែលឃាត់ជាង​ ១០នាក់​ ត្រូវកម្លាំងជំនាញដឹកទៅអធិការដ្ឋាននគរបាលក្រុងប៉ោយប៉ែត ដើម្បីសាកសួរ​ និងអនុវត្តន៍តាមនីតិវិធីច្បាប់បន្ត។ 

ប្រជាពលរដ្ឋបានបញ្ជាក់ថា​ នៅពេលដែលជនជាតិចិន១ក្រុមប្រមាណជាង​ ១០នាក់​ មានដំបងឈើ និងដំបងដែក ដុំថ្ម បម្រុងធ្វើសកម្មភាពចូលវ៉ៃទៅលើជនជាតិចិន១ក្រុមទៀត​ ដែលនៅក្នុងផ្ទះជួល​ ហើយកម្លាំងនគរបាលបានចុះទៅបង្ក្រាបទាន់ពេល​ និងឃាត់បានប្រមាណជាង១០នាក់។ 

ប្រជាពលរដ្ឋបានកោតសសើរចំពោះកម្លាំងនគរបាលក្រុងប៉ោយប៉ែត​ និងកម្លាំងនគរបាលប៉ុស្តិ៍រដ្ឋបាលប៉ោយប៉ែត​ បានសហការបង្ក្រាបជនជាតិចិនដែលបម្រុងធ្វើសកម្មភាពវ៉ៃគ្នាតែត្រូវបានបង្ក្រាបទាន់ពេលឃាត់ខ្លួនបានជាង​១០នាក់​ ហើយឃើញដឹកទៅអធិការដ្ឋាននគរបាលក្រុងប៉ោយប៉ែត៕