កម្លាំងសមត្ថកិច្ចជំនាញបើកយុទ្ធនាការ លុបបំបាត់បទល្មើសគ្រឿងញៀន និងបទល្មើលប្រឆាំងការជួញដូរមនុស្ស ចុះពិនិត្យតាមគោលដៅ ទីតាំងសប្បាយៗ អាហារដ្ឋាន ខ្លឹបកំសាន្ត ខារ៉ាអូខេ ផ្ទះជួល ផ្ទះសំណាក់ សណ្ឋាគារ ចំនួន ០៧ទីតាំង នៅស្រុកកែវសីមា
ខេត្តមណ្ឌលគិរី៖ ដោយអនុវត្តតាមបទបញ្ជារយ៉ាងហ្មឺងម៉ាត់ពីលោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី ស្ដីពីការបង្ការនិងបង្ក្រាបនូវរាល់បទល្មើសគ្រឿងញៀន ប្រភេទគ្រប់ទម្រង់កម្លាំងសមត្ថកិច្ចជំនាញចុះអនុវត្តផែនការសកម្មភាព យុទ្ធនាការ លុបបំបាត់បទល្មើសគ្រឿងញៀន និងបទល្មើលប្រឆាំងការជួញដូរមនុស្ស តាមគោលដៅ ទីតាំងសប្បាយៗ អាហារដ្ឋាន នានា ខ្លឹបកំសាន្ត ខារ៉ាអូខេ ផ្ទះជួល ផ្ទះសំណាក់ សណ្ឋាគារ ចំនួន ០៧ទីតាំង នៅស្រុកកែវសីមា ខេត្តមណ្ឌលគិរី ។
ដោយមាន បទបញ្ជាដឹកនាំ និងធ្វើការប្រជុំដាក់ផែនការ សកម្មភាព យុទ្ធនាការ លុបបំបាត់ បទល្មើស គ្រឿងញៀន និង បទល្មើស ប្រឆាំងការជួញដូរមនុស្ស ជួញដូរផ្លូវភេទ នៅតាមទីតាំងងាយរងគ្រោះ ក្លឹបកំសាន្ត ខារ៉ាអូខេ ផ្ទះជួល ផ្ទះសំណាក់ សណ្ឋាគារ កន្លែងសប្បាយៗអាហារដ្ឋាននានា ពីលោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងមានការសម្របសម្រួលនីតិវិធី ពីលោក ស៊ាវ ងីឈាន់ និងលោក អ៊ាង សុគន្ធ ព្រះរាជអាជ្ញារងអមសាលាដំបូងខេត្តមណ្ឌលគិរី។
កាលពីយប់ថ្ងៃទី០៨ ខែសីហា ឆ្នាំ២០២៤ នៅវេលាម៉ោង ២០ និង ១០នាទី កម្លាំងការិយាល័យប្រឆាំងគ្រឿងញៀន កម្លាំងការិយាល័យប្រឆាំងការជួញដូរមនុស្ស និងការពារអនីតិជន សហការជាមួយ កម្លាំងជំនាញប្រឆាំងគ្រឿងញៀន នៃអធិការដ្ឋាននគរបាលស្រុកកែវសីមា កម្លាំងប៉ុស្តិ៍នគរបាលរដ្ឋបាលឃុំស្រែខ្ទុម កម្លាំងប៉ុស្តិ៍នគរបាលរដ្ឋបាល ឃុំចុងផ្លាស់ កម្លាំងជំនាញព្រហ្មទណ្ឌស្រុកកែវសីមា កម្លាំងប្រជាការពារភូមិចុងផ្លាស់ ឃុំស្រែខ្ទុម ស្រុកកែវសីមា ខេត្តមណ្ឌលគិរី
ដឹកនាំបញ្ជាផ្ទាល់ ដោយ លោកឧត្តមសេនីយ៍ត្រី
ស៊ុម សោភ័ណ្ឌ ស្នងការរងទទួលផែនការងារប្រឆាំងគ្រឿងញៀន។
ក្នុងយុទ្ធនាការនេះបានបែងចែក កម្លាំងជា ២ ក្រុមប្រើប្រាស់កម្លាំងសរុបចំនួន ៣៦នាក់ ស្រី ០៥ នាក់ មានដូចខាងក្រោម៖ -ក្រុមទី១ នៅទីរួមស្រុកកែវសីមា ប្រើប្រាស់កម្លាំងសរុបចំនួន ២២ នាក់ ស្រី ០៣នាក់ ។
-ក្រុមទី២ ប្រើប្រាស់កម្លាំងសរុបចំនួន ១៦នាក់ ស្រី ០២នាក់ នៅឃុំចុងផ្លាស់ ស្រុកកែវសីមា ខេត្តមណ្ឌលគិរី និងបានបញ្ចប់ប្រតិបត្តិការនៅវេលាម៉ោង ២៣ និង ១៥នាទី នៅថ្ងៃ ខែ ឆ្នាំដដែល។
អំពីលទ្ធផលអនុវត្តបានទីតាំងសប្បាយដ្ឋានសរុប ចំនួន ០៧ទីតាំង មានបុគ្គលិកទីតាំងសរុប ចំនួន ៥១នាក់ ស្រី ៥០នាក់ បានធ្វើតេស្តវិភាគរកសាធាតុញៀនក្នុងទឹកម៉ូតជាលទ្ធផលអវិជ្ជមាន ៥១នាក់ ( – ) ស្រី ៥០ នាក់ រួមមានដូចខាងក្រោម៖
-ប៉ុស្តិ៍នគរបាលរដ្ឋបាលស្រែខ្ទុម អនុវត្តបានចំនួន ០៤ ទីតាំង ពិនិត្យទឹកម៉ូត មនុស្សបានចំនួន ២៦នាក់ ស្រី ២៦នាក់ មានដូចខាងក្រោម៖ ១ /យីហោចំបុីស ស្ថិតក្នុងភូមិឡាប៉ាខេ ឃុំស្រែខ្ទុម មានបុគ្គលិក ចំនួន ១០នាក់ ស្រី ១០នាក់ បានធ្វើតេស្តទឹកម៉ូតទាំង ១០នាក់ លទ្ធផលអវិជ្ជមាន(-)។ ២ /យីហោល្ងាចជួបគ្នា ស្ថិតក្នុងភូមិត្រពាំងផ្អេឃុំស្រែខ្ទុម មានបុគ្គលិក ចំនួន ០៤នាក់ ស្រី ០៤នាក់ បានធ្វើតេស្តទឹកម៉ូតទាំង ០៤នាក់ លទ្ធផលអវិជ្ជមាន(-)។
៣ /យីហោម្លប់ជ្រៃ ស្ថិតក្នុងភូមិឡាប៉ាខេ ឃុំស្រែខ្ទុមមានបុគ្គលិកសរុប ០៧នាក់ ស្រី ០៧នាក់ បានធ្វើតេស្តទឹកម៉ូត្រទាំង ០៧នាក់ លទ្ធផលអវិជ្ជមាន(-)។ ៤ /យីហោ អារ៉យ ស្ថិតក្នុងភូមិអូរអាម ឃុំស្រែខ្ទុម មានបុគ្គលិកសរុប ចំនួន ០៥នាក់ ស្រី ០៥នាក់ បានធ្វើតេស្តទឹកម៉ូតទាំង ០៥នាក់ លទ្ធផលអវិជ្ជមាន(-)។
- ប៉ុស្តិ៍នគរបាលរដ្ឋបាលចុងផ្លាស់ អនុវត្តបានចំនួន ០៣ ទីតាំង ពិនិត្យទឹកម៉ូត្រ មនុស្សបានចំនួន ២៥នាក់ ស្រី ២៤នាក់ មានដូចខាងក្រោម៖ ១ /ចំណុចហាងម្លប់ចាន់គីរី ម្ចាស់ទីតាំងឈ្មោះ សឿន ថេង ភេទប្រុស អាយុ ៤៥ឆ្នាំ ស្ថិតនៅភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី មាន ចំនួន ០៩នាក់ ស្រី ០៨នាក់ បុគ្គលិកចំនួន ០៥នាក់ អ្នកចូលរួម ០៤នាក់ បានធ្វើតេស្តទឹកម៉ូតទាំង ០៩នាក់ លទ្ធផលអវិជ្ជមាន(-)។
២ /ចំណុច ហាងរស្មីអង្គរជុំ (១៦៨) ម្ចាស់ទីតាំងឈ្មោះ តាំ ស៊ីន ភេទស្រី អាយុ ៣៨ឆ្នាំ ស្ថិតនៅភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី មាន ចំនួន ០៧នាក់ ស្រី ០៧នាក់ បុគ្គលិក ចំនួន ០៧នាក់ អ្នកចូលរួម០០នាក់ បានធ្វើតេស្តទឹកម៉ូតទាំង ០៧នាក់ លទ្ធផលអវិជ្ជមាន(-)។ ៣ /ចំណុច ហាងដាដា (DADA) ម្ចាស់ទីតាំងឈ្មោះ សេង ស៊ាងអី ហៅក្រៅ (ដាដា) ភេទស្រី អាយុ ៣៣ឆ្នាំ ស្ថិតនៅភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី មាន ចំនួន ០៩នាក់ ស្រី ០៩នាក់ បុគ្គលិក ចំនួន ០៩នាក់ អ្នកចូលរួម ០០នាក់ បានធ្វើតេស្តទឹកម៉ូត្រទាំង ០៩នាក់ លទ្ធផលអវិជ្ជមាន(-)៕ 
Post a Comment